Цаг хугацаа гэж...

Яаг нэг жилийн өмнөх энэ өдөр 1941 оны 12 сарын 07-ны өдрийн түүхэн үйл хэргийг санаад ой тоондоо байгаа зүйлсээ ер нь олонд хүртээмжтэй байдлаар буулгаж үзвэл яасийн гэсэн үүднээс блогоо нээж энэхүү http://important-nonsense.blogspot.com/2008/12/blog-post.html бичлэгийг оруулж байсан ч тодорхой хувийн шалтгаан сонирхлын үүднээс блогоо нэг хааж үзэн дахин өөр нэрээр нээсний улмаас оруулсан сар өдөр нь жаахан гажсан зүйл байгаа юм.

Эргээд бодоход жилийн өмнөх энэ өдөр блог гэдэг зүйлийг эхлүүлсэн нь өөрт янз янзаар л нөлөөлсөн мэт дүгнэгдэж байна. Блогоо нээж анхны бичлэгээ оруулаад нэххх л том зүйл хийцэн юм шиг санагдан хэн нэгнээс л урмын ч бай бурмын ч бай юу ч хамаагүй л сонсохыг хүсч байсан юмдаг. Үүний учир нь гэрээсээ гарч үзээгүй мань хүн хүний газар homesick-дэж байсантай холбоотой л доо. Тэгээд тэр орой мэссэнжэрт хамгийн илэн далангүй харьцдаг ганцхан л хүн маань онлайн байхаар нь сонирхуулахад “сонирхолтой л бичлэг болж” гэсэн даруухан үнэлгээ авч билээ.

Тухайн тухайн үедээ хоног өдөр явж өгөхгүй мэт байдаг ч эргээд харахад ямар хурдан өнгөрсөн байдийн бээ, сонийншүү бас.

“Нууц” кинон дээр ингэдэгдээ “таны одоо байгаа байдал бол өнгөрсөн бодлын чинь үр дүн, харин ирээдүйд ямар байх чинь одоогийн таны бодол төсөөллөөс шалтгаална.”